WordPress нь энгийн бөгөөд уян ажилгаатай систем гэдгийг та бид хэдийнэ мэдэх билээ. Үүнийг хамгийн хүчирхэг болгож байгаа зүйлийг плагин гэж би хувьдаа боддог. Өөрийн ажил амьдралд чухал хэрэг болсон 10 плагинийг та бүхэнтэй хуваалцахыг хүссэн юм. Сонирхоод үзээрэй.

1. Page links to

Бүх мэдээний дундаасаа аль нэгийг нь өөр тийш үсэргэх шаардлага бишгүй гардаг. Энгийн бөгөөд яг л гол зүйлээ төгс хийж чаддаг жижигхэн плагин.

2. Duplicate Post

Та нэг мэдээ оруулахдаа юу юу оруулдаг вэ? Гарчиг, гол мэдээлэл, ангилал, таг, зураг гэх мэт. Гэтэл сайтаа хурдхан 20 ширхэг мэдээтэй болгоод хармаар байвал эдгээр үйлдлүүдийг дахин дахин хийх хичнээн төвөгтэй болохыг дороо анзаарна. Эхний үүсгэсэн мэдээгээ энэ плагинаар олон хувилаарай.

3.Reset WP

Туршилт хийж маш олон шаардлагагүй мэдээ, зураг оруулж өөрийн сайтаа хоогоор дүүргэх үе олонтой. Бүх хийсэн зүйлээ арилгаад цоо шинээр эхлэхэд энэ плагин туслана.

4. Shortcodes Ultimate

Шуудхан хэлэхэд WordPress дээр энгийн Товчлуур ч байдаггүй. Тэгвэл бид үүнийг хэрхэн амархан бий болгох вэ? Энэ плагиныг суулгаснаар товчлуур, таб, газрын зураг, видео гээд түгээмэл хэрэглэгддэг 50+ хэрэгслүүдийг авч ашиглах боломжтой.

5. Contact Form7

Холбоо барих хуудсанд ашиглах хамгийн найдвартай плагин. Уян хатан бөгөөд хүчирхэг. Шинэ ажилтны анкет авах форм хүртэл үүгээр хийсэн байхыг би харсан.

6. Simple page ordering

Мэдээллийн дарааллыг хулганаараа чирээд л тохируулчих.

7. WPide

Хэрэглэгчээсээ админ эрхийг нь авчихаад дахиад FTP эрхээ өгөөчээ гэж гуйланчлах нь үнэхээр төвөгтэй. WordPress-ийн тэмплэйт файлуудыг үүгээр засаж тохируулаарай.

8. Custom post type UI

Дурын мэдээний төрлийг нэг ч мөр код бичилгүй үүсгээрэй.

9. Catpcha by BestWebSoft

WordPress сайт спамаар дүүрээд бөөстөх нь цөөнгүй. Зөвхөн сэтгэгдэлд хяналт тавиад зогсохгүй сайтын хуурамч нэвтрэх хандалтаас сэргийлнэ.

10. Maintenance

Манайх засвартай байна гээд зургаа оруулаад болоо.